بسم الله الرحمن الرحيم
فى حاجة مهمة اوى لو ضاعت منك مش هتقدر ترجعها
عارف ايه هى ؟
هى عمرك
لو ضاع ومر من غير ما تعمل حاجة تنفعك فى حياتك
هتندم وتقول يَا لَيْتَنِي قَدَّمْتُ لِحَيَاتِي
أى حياة اللى فى الآية ؟
طبعا مش الحياة فى الدنيا
لان الدنيا مهما طالت فهى فانية
لكن الحياة اللى فى الاية هى الحياة الابدية فى الاخرة
يا ايما فى الجنة او النار
ياترى لو مت دلوقتى حالا حتكون فين ؟
وانت اكتر انسان ادرى بنفسك
بَلِ الْإِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ
دلوقتى لسة قدامك الفرصة تعمل حاجة فاغتنم الفرصة
قال رسولُ اللهِ صلَّى اللهُ عليه وسلَّم لرجلٍ وهو يَعِظُه : اغتنِمْ خمسًا قبل خمسٍ : شبابَك قبل هِرَمِك ، وصِحَّتَك قبل سِقَمِك ، وغناك قبل فقرِك ، وفراغَك قبل شُغلِك ، وحياتَك قبل موتِك
طيب ياترى ليه الرسول ذكر الشباب مع ان الشباب من ضمن الحياة ؟
لان فترة الشباب هى فترة القوة والحيوية والنشاط والصحة
والنبى صلَّى اللهُ عليه وسلَّم قال
نعمتان مغبون فيهما كثير من الناس : الصحة والفراغ
يعنى ايه مغبون يعنى خسران
يعنى مثلا لو انا بعت حاجة تمنها الف بمية يبقى انا مغبون