• الرئيسية
  • غرفة الهداية
  • تابعنا



السؤال:
حكم قطع صلة الرحم مع الأخ بسبب معاملته السيئة لنا ولا يريد رؤيتنا
الجواب:

السائلة: أخي الكبير كان ليه فلوس عندنا، فرقنا الفلوس وقال الشنطة كان فيها فلوس وإنتوا أخذتوها وأقسم بالله إن إحنا ما خدنا منه حاجة وسبنا وسب أخوه الكبير ودعى علينا. الشيخ: سيدنا النبي -عليه الصلاة والسلام- قال: "البينة على من ادعى واليمين على من أنكر" فأين بينته أنكم سرقتم وأنتم أقسمتم له بمن لا يقسم إلا به وهو الله -جل وعلا- أنكم ما أخذتم، خلص الموضوع. السائلة:إحنا رحناله بعد ما رجع من الحج وجبناله هدايا وجبناله حاجات وقابلنا في البيت مقابلة وحشة وزوجته قابلتنا مقابلة وحشة هل احنا لو مرحنالوش ولا كلمناه ولا اتصلنا بيه -هو مابيتصلش بينا خالص- احنا كده قاطعين صلة الرحم؟ الشيخ: تأثمون، أنا أنصحكم أن تستمروا في صلته وأن تتحملوا سوء مقابلته والله سيقلب قلبه إلى ما تحبون من خير وبركة. السائلة: بيقول لنا أنا مش عايز أشوفكم. الشيخ: وأنا عاوز أشوفك إنت مش عاوز تشفني وأنا عاوز أشوفك السائلة: قلت له إحنا كمان مش عايزين نشوفك. الشيخ: هذا كلام شيطاني يا أختاه وأما الكلام الرحماني أن هو يقولكم أنا لا أريد رؤيتكم وأنت تقولي ونحن لا نستغنى عن رؤيتك، نحن معاشر المسلمين نصل من قطعنا ونعطي من حرمنا ونعفو عمن ظلمنا هذه أخلاق من يريد جنة عرضها السماوات والأرض. أما من يقول أنا ما بدي أشوفك ويقول وأنا ما بدي أشوفك هذه أخلاق أهل النار.

تاريخ إصدار الفتوى الخميس ٢٣ مارس ٢٠١٧ م
مكان إصدار الفتوى الرحمة
تاريخ الإضافة الأربعاء ١٧ يناير ٢٠١٨ م
حجم المادة 4.8 ميجا بايت
عدد الزيارات 1178 زيارة
عدد مرات الحفظ 177 مرة