والدهم لما توفي ترك أرضًا، هما بيطلعوا من الأرض دي إيجار واشتروا، فهنا ريع الأرض يُقسم على الورثة كغيرهم لأن ده ملك للجميع، احنا شركاء في الأرض -اللي وارث ميراث يا إخواني بيبقى اسمه شريك على المشاع- يعنى واحد مات وترك أرض بقت الأرض دي لورثتها على المشاع، يعنى كلهم شركاء فيها، فأي فايدة تأتي من هذه الأرض أو استخدمناها أو استثمرناها أو أجرناها بيكون العائد أيضًا يعود على الورثة بنفس نصيبه للذكر مثل حظ الأنثيين. فلو جمَّعتوا الإيجار وطلعتوا منه أرض تانية طبعًا الكل له أثر في هذا. طبعًا مع مسألة إن أنتوا بتاخدوا إيجار بس، لو كنت بتزرع وتفلح في الأرض بتاخد أجرتك على الفِلاحة والباقي بتوزعه على الورثة بقدر نصيبهم أيضًا، والله تعالى أعلى وأعلم.