علامة السجود في وجه الشخص للصلاة وهو بيعمل المعاصي؟ يا إخواني المقصود بـ "سِيمَاهُمْ فِي وُجُوهِهِمْ مِنْ أَثَرِ السُّجُودِ" بيبقى فيه نور يوم القيامة على المصلين في مواطن السجود ويقولون: ربنا أتمم لنا نورنا، لكن مش المقصود يطلعله الزبيبة اللي بتطلع دي، دي أحيانًا بتطلع من إن الانسان بيسجد غلط إن هو بيتكئ على الجبهة أكثر من اتكائه على يديه، الأكثر من الاتكاء في السجود بيكون على اليدين والجبهة بتمس الأرض هي والأنف، لكن مش شرط طلوع دي علامة صلاح أو علامة عطاء من الله سواء هو بيصلي وعاصي أو بيصلي ومش عاصي ومطلعتلوش، فطلوعها دي شيء من أثر السجود أو لأن هو بيضغط على جبهته، أمّا المقصود بسيماهم في وجوههم من أثر السجود ده شيء آخر، وهو نور يضعه الله -عز وجل- على وجوه المصلين وعلى أماكن الصلاة وأماكن السجود ويقولون: ربنا أتمم لنا نورنا. فدي ملهاش علاقه بمسألة الطاعة والمعصية اللي هي العلامة اللي بتظهر في الجبهة دي بارك الله فيكِ.