المتصل: أنا بروح شغلي على مسافتين أو من بلد لبلد تانية بتنقل عن طريق مواصلتين المواصلة الأولى ٣٤ كيلو والمواصلة الثانية ٦8 كيلو. الشيخ: شغلك فى سفر يعنى؟ المتصل: آه في سفر، فأنا بيأذن علي المغرب وأنا في انتظار الأتوبيس، الأتوبيس بيجيلي الساعة ٦ والمغرب بتأذن الساعة ٦، وبسمع صلاة المغرب وبتيجى علي صلاة العشاء وأنا في الأتوبيس فهل يجوز لي جمع المغرب والعشاء؟ الشيخ: بتكون في انتظار الأتوبيس فين؟ وأنت في بلدك ولا في البلد التانية؟ المتصل: خارج بلدي؛ بلد تانية الشيخ: البلد التانية يجوز مادام خرجت خارج حدود بلدك يجوز تقصر، خلاص أنت مسافر وجهتك إلى البلد البعيدة طول أنك نزلت في الطريق ده يجوز أنك تجمع؛ فتجمع المغرب والعشاء جمع تقديم أو جمع تأخير يجوز لأنك أنت خارج حدود بلدك، فيجوز لك أنك تجمع، لكن كما هو معلوم القصر المغرب لا يقصر لأنه ثلاث ركعات أما العشاء تقصرها ركعتين. المتصل: يعني أنا ممكن أعملهم جمع تقديم قبل ما أطلع من بيتي؟ أو ممكن أما أوصل للشغل أصليهم جمع برضه؟ الشيخ: لو المغرب أذن عليك وأنت في بيتك اجمع جمع تقديم وأنت في البيت صلي المغرب ثم صلي العشاء جمع تقديم لعلة السفر، أما لو مأذنش عليك وأنت في البيت ففي الطريق اجمع، وليك أنك تجمع جمع تأخير أيضًا إذا كنت ستصل قبل انتهاء وقت العشاء. المتصل: أصلي عادى العشاء وبعدها النوافل عادي مفيش مشكلة؟ الشيخ: وأنت فين؟ المتصل: وأنا في الشغل. الشيخ: أنت بتصلي العشاء ركعتين خلاص المسافر ليس من السنة الرواتب في السفر لكن لك أن تتطوع؛ صلي قيام ليل وتر، سنة الفجر وقيام الليل والوتر. المتصل: ٤ أيام بالليل بنفس النظام؟ الشيخ: أيوه صلي العشاء بس ولك تصلي قيام ليل أو وتر. المتصل: أنا لو ماجمعتش وصليت ٣ ركعات مغرب و٤ ركعات عشاء هل علي وزر؟ الشيخ: لا ليس عليك وزر؛ الراجح إن القصر سنة والجمع عند الاحتياج، متجمعش على طول إلا لما تكون محتاج، والأولى إنك تصلي المغرب والعشاء زي ما قولتلك؛ لما تكون خرجت من البلدة وتكون على الطريق تجمع على ذلك، لو كنت في بلدك وتظن إن أنت وقت العشاء هيفوت فلك أن تجمع أيضًا.